കൊടകരയിൽ വീട്ടിൽ നിന്നും മലമ്പാമ്പിനെ പിടികൂടി.

കൊടകര : സഹൃദയ എന്‍ജിനീയറിംഗ് കോളേജിനുസമീപത്തെ വീട്ടില്‍നിന്നും മലമ്പാമ്പിനെ പിടികൂടി. വടക്കുംമുറി കണ്ണമ്പിള്ളി വിത്സന്റെ വീട്ടിലെ തൊഴുത്തില്‍നിന്നാണ് 9 അടിയോളം നീളമുള്ള മലമ്പാമ്പിനെ നാട്ടുകാര്‍ പിടിച്ചത്. തൊഴുത്തില്‍ കാലികള്‍ക്ക് വച്ചിരുന്ന കാലിത്തീറ്റ തിന്നുകയായിരുന്നു മലമ്പാമ്പ്. പാമ്പിനെ പിന്നീട്  വനപാലകര്‍ കൊണ്ടുപോയി വനത്തില്‍ വിട്ടു.