ചാലക്കുടി: സൗകര്യങ്ങള് ഉണ്ടായിട്ടും കാതിക്കുടത്തെ കക്കാട് പ്രൈമറി ഹെല്ത്ത് സെന്ററില് കിടത്തിച്ചികിത്സ തുടങ്ങിയില്ല. കിടത്തിച്ചികിത്സിക്കാന് സര്ക്കാര് അനുമതി നല്കിയിട്ടുള്ള ഹെല്ത്ത് സെന്റര് കൂടിയാണിത്.
ജില്ലയില് ഏറ്റവും പഴക്കമുള്ള ആരോഗ്യകേന്ദ്രങ്ങളില് ഒന്നാണിത്. ഈ ആരോഗ്യകേന്ദ്രത്തില് ആദ്യകാലങ്ങളില് കിടത്തിച്ചികിത്സ ഉണ്ടായിരുന്നു. രോഗികളെ കിടത്താവുന്ന രണ്ട് വാര്ഡുകളുള്ള കെട്ടിടം ഇവിടെയുണ്ട്. തൊട്ടടുത്ത് ആരോഗ്യപ്രവര്ത്തകര്ക്കുള്ള ഓഫീസ് സൗകര്യവുമുണ്ട്.
കിടത്തിച്ചികിത്സാ സൗകര്യമുള്ള കെട്ടിടത്തിലാണ് ഇപ്പോള് ഒ.പി. വിഭാഗം പ്രവര്ത്തിക്കുന്നത്. ഒ.പി. വിഭാഗത്തിനായി നിര്മ്മിച്ച പുതിയ കെട്ടിടം ഇനിയും തുറന്നിട്ടില്ല. കെട്ടിടത്തിന്റെ പണികള് പൂര്ത്തീകരിച്ചിട്ടുണ്ടെങ്കിലും വയറിങ്, പ്ലൂബിങ് പോലുള്ള ജോലികള് മുടങ്ങിക്കിടക്കുകയാണ്.
ഒ.പി. വിഭാഗവും പുതിയ കെട്ടിടത്തിലേക്ക് മാറ്റി. പഴയ ബില്ഡിങ്ങില് കിടത്തിച്ചികിത്സ തുടങ്ങണമെന്ന് നാട്ടുകാര് ആവശ്യപ്പെട്ടു. ഈ ആവശ്യം ഉന്നയിച്ച് മുഖ്യമന്ത്രിയുടെ ജനസമ്പര്ക്ക പരിപാടിയില് നിേവദനം നല്കിയിട്ടുണ്ടെന്ന് ഗ്രാമപ്പഞ്ചായത്തംഗം ഷേര്ളി പോള് അറിയിച്ചു